मौजे गागलेगाव ता.बिलोली जि.नांदेड येथील तलाठी विजयकुमार कुलकर्णी यांना ४००० रुपयांची लाच स्वीकारतांना नांदेड लाचलुचपत प्रतिबंधक विभागाकडुन रंगेहाथ अटक
बिलोली प्रतिनिधी- वैभव घाटे
मौजे गागलेगाव ता.बिलोली जि.नांदेड येथील तलाठी विजयकुमार कुलकर्णी यांना ४००० रुपयांची लाच स्वीकारतांना नांदेड लाचलुचपत प्रतिबंधक विभागाकडुन रंगेहाथ पकडण्यात आले. दिनांक २४/५/२०२१ रोजी तक्रारदार यांनी तक्रार दिली की तक्रारदार अध्यक्ष असलेले श्रीकृष्ण देवस्थान ट्रस्ट मौजे गागलेगाव करिता दान पत्राद्वारे प्राप्त झालेली जमिनीची नोंद ७/१२ ला घेण्यासाठी दिनांक १८/५/२०२१ रोजी पंधरा हजार रुपयांची मागणी करून दहा हजार रुपये त्याच दिवशी घेतले व उर्वरित पाच हजार रुपये लाचेची मागणी करीत आहेत तक्रारदार यांचे तक्रारीच्या अनुषंगाने लाचलुचपत प्रतिबंधक विभाग नांदेड कार्यालयाकडून दिनांक २५/५/2021 रोजी पंचांसमक्ष केलेल्या लाच मागणी पडताळणी मध्ये तलाठी विजयकुमार कुलकर्णी यांनी तक्रारदार यांचे उपरोक्त कामासाठी पाच हजार रुपयांची मागणी करून तडजोडी अंती चार हजार रुपये लाच स्वीकारण्याचे मान्य केल्याचे निष्पन्न झाले. त्यावरून दिनांक २७/५/२०२१ रोजी तहसील कार्यालय बिलोली चे प्रांगण परिसरात लावण्यात आलेल्या सापळ्या दरम्यान तलाठी कुलकर्णी यांनी तक्रारदार यांच्याकडून उपरोक्त कामासाठी मागणी केलेली लाचेची रक्कम चार हजार रुपये स्वतः स्वीकारली म्हणून श्री विजयकुमार गोपाळराव कुलकर्णी वय ४८ वर्षे व्यवसाय नोकरी तलाठी सज्जा गागलेगाव तालुका बिलोली जिल्हा नांदेड यांचे विरुद्ध पोलीस ठाणे बिलोली येथे भ्रष्टाचार प्रतिबंधक अधिनियम १९८८ अन्वये गुन्हा दाखल करण्याची प्रक्रिया चालू आहे.
Comments
Post a Comment